didar waqt-e-naza mayassar hua to kya

dīdār vaqt-e-naz.a mayassar huā to kyā

ab mā.il-e-karam vo sitamgar huā to kyā

jī uThte kushtagān-e-mohabbat to baat thī

barpā ḳhirām-e-nāz se mahshar huā to kyā

roz-e-azal rahā to sahī imtiyāz kuchh

ġham mere vāste jo muqaddar huā to kyā

sarmastiyoñ meñ kaif nahīñ hai to kuchh nahīñ

labrez agar sharāb se sāġhar huā to kyā

me.aar hī buland hai zauq-e-nigāh kā

aalam tamām husn kā manzar huā to kyā

maujūd vahshateñ bhī haiñ charḳh-e-kuhan bhī hai

ārām gardishoñ se jo dam bhar huā to kyā

un kī jafā se ḳhaak meñ āshiq to mil chuke

ab qissa ik jahāñ kī zabāñ par huā to kyā

ishq-e-jafā se yaar ko fursat na chāhiye

aalam qatīl-e-chashm-e-fusūñ-gar huā to kyā

vahshī kahīñ huī haiñ bhalā talḳhiyāñ bhī kam

dil apnā laakh ranj kā ḳhūgar huā to kyā

didar waqt-e-naza mayassar hua to kya

ab mail-e-karam wo sitamgar hua to kya

ji uThte kushtagan-e-mohabbat to baat thi

barpa KHiram-e-naz se mahshar hua to kya

roz-e-azal raha to sahi imtiyaz kuchh

gham mere waste jo muqaddar hua to kya

sarmastiyon mein kaif nahin hai to kuchh nahin

labrez agar sharab se saghar hua to kya

mear hi buland hai zauq-e-nigah ka

aalam tamam husn ka manzar hua to kya

maujud wahshaten bhi hain charKH-e-kuhan bhi hai

aaram gardishon se jo dam bhar hua to kya

un ki jafa se KHak mein aashiq to mil chuke

ab qissa ek jahan ki zaban par hua to kya

ishq-e-jafa se yar ko fursat na chahiye

aalam qatil-e-chashm-e-fusun-gar hua to kya

wahshi kahin hui hain bhala talKHiyan bhi kam

dil apna lakh ranj ka KHugar hua to kya