diwar-o-dar se dur hamara makan hai

dīvār-o-dar se duur hamārā makān hai

sar par hamāre dhuup kā ik sā.ebān hai

yaaro ġham-e-hayāt se be-e'tinā.ī kyā

aayā hai chañd din ke liye mehmān hai

kab se use rahī hai ḳharīdār kī talab

bāzār-e-zindagī meñ jo ġham kī dukān hai

kyoñ tark-e-ārzū ke liye kah rahe haiñ aap

shāyad ye aarzū to mohabbat kī jaan hai

dīvāngān-e-ishq kā kyā pūchhte ho haal

behāl ho ke bhī to ajab ān-bān hai

dekheñ unheñ to khīñch bulātā hai yā nahīñ

ai jazb-e-shauq aaj tirā imtihān hai

jaise kisī ḳhalā meñ kahīñ jī rahe haiñ log

'dānish' zamīñ hai ab na koī āsmān hai

diwar-o-dar se dur hamara makan hai

sar par hamare dhup ka ek saeban hai

yaro gham-e-hayat se be-e'tinai kya

aaya hai chand din ke liye mehman hai

kab se use rahi hai KHaridar ki talab

bazar-e-zindagi mein jo gham ki dukan hai

kyon tark-e-arzu ke liye kah rahe hain aap

shayad ye aarzu to mohabbat ki jaan hai

diwangan-e-ishq ka kya puchhte ho haal

behaal ho ke bhi to ajab aan-ban hai

dekhen unhen to khinch bulata hai ya nahin

ai jazb-e-shauq aaj tera imtihan hai

jaise kisi KHala mein kahin ji rahe hain log

'danish' zamin hai ab na koi aasman hai