dikhae gard ke KHeme pa ghar nahin likkha
dikhā.e gard ke ḳheme pa ghar nahīñ likkhā
safar to sauñp gayā vo shajar nahīñ likkhā
vo āshnā mujhe paanī se kar ke lauT gayā
kisī bhī lahr meñ jis ne guhar nahīñ likkhā
bashārateñ thiiñ ki poroñ kī samt aatī thiiñ
magar ye haath ki jin meñ hunar nahīñ likkhā
ajab gumān the qaus-e-nigāh meñ us kī
khañDar se shahr ko is ne khañDar nahīñ likkhā
har ek rut kī duā bhī havā bhī aa.ī thī
ye bāñjh peḌ ki in par samar nahīñ likkhā
us ek lafz kī siskī mujhe rulātī hai
vo ek lafz jise jaan kar nahīñ likkhā
dikhae gard ke KHeme pa ghar nahin likkha
safar to saunp gaya wo shajar nahin likkha
wo aashna mujhe pani se kar ke lauT gaya
kisi bhi lahr mein jis ne guhar nahin likkha
bashaaraten thin ki poron ki samt aati thin
magar ye hath ki jin mein hunar nahin likkha
ajab guman the qaus-e-nigah mein us ki
khanDar se shahr ko is ne khanDar nahin likkha
har ek rut ki dua bhi hawa bhi aai thi
ye banjh peD ki in par samar nahin likkha
us ek lafz ki siski mujhe rulati hai
wo ek lafz jise jaan kar nahin likkha
- Book : Funoon (Monthly) (Pg. 240)
- Author : Ahmad Nadeem Qasmi
- Publication : 4 Maklood Road, Lahore (25Edition Nov. Dec. 1986)
- Edition : 25Edition Nov. Dec. 1986
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
