dikhai jaegi shahr-e-shab mein sahar ki tamsil chal ke dekhen

dikhā.ī jā.egī shahr-e-shab meñ sahar kī tamsīl chal ke dekheñ

sar-e-salīb īstāda hogā ḳhudā-e-injīl chal ke dekheñ

guloñ ne band-e-qabā hai kholā, havā se bū-e-junūñ bhī aa.e

kareñge is mausam-e-vafā meñ ham apnī takmīl chal ke dekheñ

ġhanīm-e-shab ke ḳhilāf ab ke ziyāñ huī ġhaib kī gavāhī

paḌā huā ḳhaak par shikasta par-e-abābīl chal ke dekheñ

chune haiñ vo reza reza manzar, lahū lahū ho ga.ī haiñ āñkheñ

chalo naa! us dukh ke rāste par safar kī tafsīl chal ke dekheñ

fazā meñ uḌtā huā kahīñ se ajab nahīñ aks-e-barg aa.e

ḳhizāñ ke be-rañg āsmāñ se aTī huī jhiil chal ke dekheñ

luḌhak gayā shab kā koh-paimā zamīñ kī hamvāriyoñ kī jānib

kahīñ havā gul na kar chukī ho anā kī qindīl chal ke dekheñ

dikhai jaegi shahr-e-shab mein sahar ki tamsil chal ke dekhen

sar-e-salib istada hoga KHuda-e-injil chal ke dekhen

gulon ne band-e-qaba hai khola, hawa se bu-e-junun bhi aae

karenge is mausam-e-wafa mein hum apni takmil chal ke dekhen

ghanim-e-shab ke KHilaf ab ke ziyan hui ghaib ki gawahi

paDa hua KHak par shikasta par-e-ababil chal ke dekhen

chune hain wo reza reza manzar, lahu lahu ho gai hain aankhen

chalo na! us dukh ke raste par safar ki tafsil chal ke dekhen

faza mein uDta hua kahin se ajab nahin aks-e-barg aae

KHizan ke be-rang aasman se aTi hui jhil chal ke dekhen

luDhak gaya shab ka koh-paima zamin ki hamwariyon ki jaanib

kahin hawa gul na kar chuki ho ana ki qindil chal ke dekhen