dikhne mein goya hamsae rahte hain

dikhne meñ goyā hamsā.e rahte haiñ

andar se kuchh log parā.e rahte haiñ

mūrat sā rañg-rūp banā.e rahte haiñ

sīrat meñ shaitān basā.e rahte haiñ

chehre par muskān ugaa.e rahte haiñ

lekin dil meñ sang chhupā.e rahte haiñ

himmat kar ke hāl-e-dil kahne vaale

kah kar bhī kitnā sharmā.e rahte haiñ

ūñchā.ī par jaane vaale vaise hī

girne se har pal ghabrā.e rahte haiñ

din meñ dekhā ḳhvāb faqat ḳhush-fahmī hai

phir bhī ham dil ko bharmā.e rahte haiñ

dikhne mein goya hamsae rahte hain

andar se kuchh log parae rahte hain

murat sa rang-rup banae rahte hain

sirat mein shaitan basae rahte hain

chehre par muskan ugae rahte hain

lekin dil mein sang chhupae rahte hain

himmat kar ke haal-e-dil kahne wale

kah kar bhi kitna sharmae rahte hain

unchai par jaane wale waise hi

girne se har pal ghabrae rahte hain

din mein dekha KHwab faqat KHush-fahmi hai

phir bhi hum dil ko bharmae rahte hain