dil apna aab-ju-e-haqaeq ke pas hai

dil apnā āb-jū-e-haqā.eq ke paas hai

mahrūm kyoñ azal se mire fan kī pyaas hai

har lamha apnā rang badaltā hai ye jahāñ

ab vaqt ko bhī dekhiye mauqa.a-shanās hai

mere yaqīñ ke rāste tārīk haiñ bahut

ik azm kā charāġh magar apne paas hai

kahne lage ho mujh ko hī nang-e-vajūd kyoñ

dekho to saarā shahr hī ab be-libās hai

jo shīsha-e-yaqīñ ko bhī yak-laḳht toḌ de

yāroñ ke haath meñ vahī sang-e-qayās hai

shāyad anokhā hādisa guzrā hai raat ko

sūraj kā chehra sub.h se kitnā udaas hai

dil apna aab-ju-e-haqaeq ke pas hai

mahrum kyon azal se mere fan ki pyas hai

har lamha apna rang badalta hai ye jahan

ab waqt ko bhi dekhiye mauqa-shanas hai

mere yaqin ke raste tarik hain bahut

ek azm ka charagh magar apne pas hai

kahne lage ho mujh ko hi nang-e-wajud kyon

dekho to sara shahr hi ab be-libas hai

jo shisha-e-yaqin ko bhi yak-laKHt toD de

yaron ke hath mein wahi sang-e-qayas hai

shayad anokha hadisa guzra hai raat ko

suraj ka chehra subh se kitna udas hai