dil bahalta hi nahin hai jab kisi tadbir se

dil bahaltā hī nahīñ hai jab kisī tadbīr se

hāl-e-dil kahtā huuñ apnā maiñ tirī tasvīr se

tīrgī chhā.ī huī hai is qadar ab chār-sū

jaise raushan hī na hogī zindagī tanvīr se

apne hāthoñ se bigāḌā maiñ ne jab taqdīr ko

phir karūñ kyūñ-kar shikāyat kātib-e-taqdīr se

dil meñ pahle hī ġham-o-ālām-e-duniyā kam na the

aur ghāyal ho gayā terā nazar ke tiir se

ab na rangīñ ḳhvāb mustaqbil ke dikhlāo mujhe

ḳhuub vāqif huuñ maiñ aise ḳhvāb kī ta.abīr se

kuchh ajab aalam hai dil kā jab se terā ḳhat paḌhā

tujh ko kyā ma.alūm dil kitnā dukhā tahrīr se

sirf māyūsī kī daldal hai jidhar bhī dekhiye

ham ko ye tohfa milā hai husn kī jāgīr se

dil bahalta hi nahin hai jab kisi tadbir se

haal-e-dil kahta hun apna main teri taswir se

tirgi chhai hui hai is qadar ab chaar-su

jaise raushan hi na hogi zindagi tanwir se

apne hathon se bigaDa main ne jab taqdir ko

phir karun kyun-kar shikayat katib-e-taqdir se

dil mein pahle hi gham-o-alam-e-duniya kam na the

aur ghayal ho gaya tera nazar ke tir se

ab na rangin KHwab mustaqbil ke dikhlao mujhe

KHub waqif hun main aise KHwab ki tabir se

kuchh ajab aalam hai dil ka jab se tera KHat paDha

tujh ko kya malum dil kitna dukha tahrir se

sirf mayusi ki daldal hai jidhar bhi dekhiye

hum ko ye tohfa mila hai husn ki jagir se