dil-dadgan-e-lazzat-e-ijad kya karen

dil-dādgān-e-lazzat-e-ījād kyā kareñ

sailāb-e-ashk-o-āh pe buniyād kyā kareñ

karnā hai ban ko taaza nihāloñ kī dekh bhaal

biitī huī bahār ko vo yaad kyā kareñ

haañ jaan kar umiid kī maddham rakhī hai lau

ab aur pās-e-ḳhātir-e-nāshād kyā kareñ

sañgīñ haqīqatoñ se kahāñ tak malūl hoñ

rānā.i-e-ḳhayāl ko barbād kyā kareñ

dekho jise liye hai vo zaḳhmoñ kī kā.enāt

ham ek apne zaḳhm pe fariyād kyā kareñ

rindoñ kī aarzū kā talātum kahāñ se laa.eñ

āsūdgān-e-masnad-e-irshād kyā kareñ

kis ko nahīñ sukūn kī ḳhvāhish jahān meñ

uftādgān-e-rahguzar-e-bād kyā kareñ

jo har nazar meñ taaza kareñ mai-kade hazār

sach hai 'surūr'-e-rafta ko vo yaad kyā kareñ

dil-dadgan-e-lazzat-e-ijad kya karen

sailab-e-ashk-o-ah pe buniyaad kya karen

karna hai ban ko taza nihaalon ki dekh bhaal

biti hui bahaar ko wo yaad kya karen

han jaan kar umid ki maddham rakhi hai lau

ab aur pas-e-KHatir-e-nashad kya karen

sangin haqiqaton se kahan tak malul hon

ranai-e-KHayal ko barbaad kya karen

dekho jise liye hai wo zaKHmon ki kaenat

hum ek apne zaKHm pe fariyaad kya karen

rindon ki aarzu ka talatum kahan se laen

aasudgan-e-masnad-e-irshad kya karen

kis ko nahin sukun ki KHwahish jahan mein

uftadgan-e-rahguzar-e-baad kya karen

jo har nazar mein taza karen mai-kade hazar

sach hai 'surur'-e-rafta ko wo yaad kya karen