dil dikha dun tumhein main abhi dekh lo
dil dikhā duuñ tumheñ maiñ abhī dekh lo
aag siine meñ jo hai lagī dekh lo
yuuñ mujhe ġham nahīñ hai kisī baat kā
hai magar jo tumhārī kamī dekh lo
ḳhud kabhī maiñ batā bhī na pā.ūñ tumheñ
baat jo dil meñ hai ik chhupī dekh lo
ḳhairiyat maiñ tumheñ kyā batā.ūñ abhī
mere chehre pe hai jo ḳhushī dekh lo
chāñd bhī dikh rahā hai tumhārī tarah
chāñd merī nazar se kabhī dekh lo
zaḳhm 'rāvat' dikhā to na paayā magar
ik ġhazal hai lahū se likhī dekh lo
dil dikha dun tumhein main abhi dekh lo
aag sine mein jo hai lagi dekh lo
yun mujhe gham nahin hai kisi baat ka
hai magar jo tumhaari kami dekh lo
KHud kabhi main bata bhi na paun tumhein
baat jo dil mein hai ek chhupi dekh lo
KHairiyat main tumhein kya bataun abhi
mere chehre pe hai jo KHushi dekh lo
chand bhi dikh raha hai tumhaari tarah
chand meri nazar se kabhi dekh lo
zaKHm 'rawat' dikha to na paya magar
ek ghazal hai lahu se likhi dekh lo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
