dil dukha tha mera aisa ki dikhaya na gaya

dil dukhā thā mirā aisā ki dikhāyā na gayā

dard itnā thā ki ḳhud un se baḌhāyā na gayā

be-ḳhud-e-ishq se phir hosh meñ aayā na gayā

sar jo sajde meñ jhukāyā to uThāyā na gayā

raaz us parda-nashīñ kā kabhī paayā na gayā

mahram-e-rāz se bhī raaz batāyā na gayā

āfrīñ lazzat-e-nazzāra ḳhushā ālim-e-kaif

dil kā aanā thā ki phir hosh meñ aayā na gayā

lab pe apne na kabhī harf-e-tamannā aayā

raaz dil kā magar āñkhoñ se chhupāyā na gayā

ishq se dil ne kisī tarah na fursat paa.ī

ye vo shola hai ki dahkā to bujhāyā na gayā

jalva yuuñ aam kiyā us ne ki sab ne dekhā

parda yuuñ us ne girāyā ki uThāyā na gayā

dil dukha tha mera aisa ki dikhaya na gaya

dard itna tha ki KHud un se baDhaya na gaya

be-KHud-e-ishq se phir hosh mein aaya na gaya

sar jo sajde mein jhukaya to uThaya na gaya

raaz us parda-nashin ka kabhi paya na gaya

mahram-e-raaz se bhi raaz bataya na gaya

aafrin lazzat-e-nazzara KHusha aalim-e-kaif

dil ka aana tha ki phir hosh mein aaya na gaya

lab pe apne na kabhi harf-e-tamanna aaya

raaz dil ka magar aankhon se chhupaya na gaya

ishq se dil ne kisi tarah na fursat pai

ye wo shola hai ki dahka to bujhaya na gaya

jalwa yun aam kiya us ne ki sab ne dekha

parda yun us ne giraya ki uThaya na gaya