dil-e-dard-ashna ka muddaa kya

dil-e-dard-āshnā kā mudda.ā kyā

kisī bedād kī kiije davā kyā

huā insāñ hī jab insāñ kā dushman

shikāyat phir kisī kī kyā gila kyā

bahār-e-tāza aa.ī gulsitāñ meñ

khilā.e jaane gul bād-e-sabā kyā

vo kahte haiñ nasheman tark kiije

chalī gulshan meñ ye taaza havā kyā

uThī insāniyat yaksar yahāñ se

yakāyak ḳhū-e-insāñ ko huā kyā

nahīñ ma.alūm mustaqbil kisī ko

marāhil pesh aa.eñ jaane kyā kyā

ujaḌ kar rah gayā do din meñ he he

mire 'gulzār'-e-hindī ko huā kyā

dil-e-dard-ashna ka muddaa kya

kisi bedad ki kije dawa kya

hua insan hi jab insan ka dushman

shikayat phir kisi ki kya gila kya

bahaar-e-taza aai gulsitan mein

khilae jaane gul baad-e-saba kya

wo kahte hain nasheman tark kije

chali gulshan mein ye taza hawa kya

uThi insaniyat yaksar yahan se

yakayak KHu-e-insan ko hua kya

nahin malum mustaqbil kisi ko

marahil pesh aaen jaane kya kya

ujaD kar rah gaya do din mein he he

mere 'gulzar'-e-hindi ko hua kya