dil-e-gil ne sukun paya hai pa-e-yasmin se hi

dil-e-gil ne sukūñ paayā hai pā-e-yāsmīñ se hī

ki ḳhisht-o-ḳhvāb raushan sab haiñ dast-e-nīlmīñ se hī

huā thā mubtalā hijrāñ ke mausam meñ taġhāful se

ki lauTīñ haiñ bahāreñ terī zulf-e-‘ambarīñ se hī

nahīñ kuchh kah sakā jab maiñ to phir kahne lagā ġhazleñ

maiñ shā'ir bhī banā huuñ to huā tere hazīñ se hī

nikal kar ḳhāna-e-vahshat se jaatā to kidhar jaatā

sukūn-e-dil mayassar hai mujhe us nāznīñ se hī

banā jo dasht-e-ġhurbat meñ sahārā tū 'ahad' merā

mujhe lagne lagā gulshan bhī sahrā is yaqīñ se hī

dil-e-gil ne sukun paya hai pa-e-yasmin se hi

ki KHisht-o-KHwab raushan sab hain dast-e-nilmin se hi

hua tha mubtala hijran ke mausam mein taghaful se

ki lauTin hain bahaaren teri zulf-e-‘ambarin se hi

nahin kuchh kah saka jab main to phir kahne laga ghazlen

main sha'ir bhi bana hun to hua tere hazin se hi

nikal kar KHana-e-wahshat se jata to kidhar jata

sukun-e-dil mayassar hai mujhe us naznin se hi

bana jo dasht-e-ghurbat mein sahaara tu 'ahad' mera

mujhe lagne laga gulshan bhi sahra is yaqin se hi