dil-e-muztar tera nuqsan nahin hone diya

dil-e-muztar tirā nuqsān nahīñ hone diyā

vādī-e-hijr ko vīrān nahīñ hone diyā

ham ne maqtal meñ bhī sar de ke bachāyā us ko

hazrat-e-‘ishq ko qurbān nahīñ hone diyā

kyā huā tujh ko jo Thahrāyā nahīñ hai dil meñ

tū ne bhī to mujhe mehmān nahīñ hone diyā

apnī tazlīl ko itnā hī bahut hai mire dost

jism ko zīnat-e-shamshān nahīñ hone diyā

ruuh ko bech ke ik jism ḳharīdā maiñ ne

mujhe is jism ne be-jān nahīñ hone diyā

chiir kar dil ko tirī yaad se paivand kiyā

hijr ke zaḳhm kā darmān nahīñ hone diyā

us ne dil chāhā so siine ko ḳhudī chaak kiyā

apne dushman ko pareshān nahīñ hone diyā

dil-e-muztar tera nuqsan nahin hone diya

wadi-e-hijr ko viran nahin hone diya

hum ne maqtal mein bhi sar de ke bachaya us ko

hazrat-e-‘ishq ko qurban nahin hone diya

kya hua tujh ko jo Thahraya nahin hai dil mein

tu ne bhi to mujhe mehman nahin hone diya

apni tazlil ko itna hi bahut hai mere dost

jism ko zinat-e-shamshan nahin hone diya

ruh ko bech ke ek jism KHarida main ne

mujhe is jism ne be-jaan nahin hone diya

chir kar dil ko teri yaad se paiwand kiya

hijr ke zaKHm ka darman nahin hone diya

us ne dil chaha so sine ko KHudi chaak kiya

apne dushman ko pareshan nahin hone diya