dil-e-na-mutmain andesha-e-barq-e-tapan mein hai

dil-e-nā-mutma.in andesha-e-barq-e-tapāñ meñ hai

jo be-tābī qafas meñ thī vahī ab āshiyāñ meñ hai

mirī be-tābi-e-dil kī samajh meñ kuchh nahīñ aatā

ḳhudā jaane tirā harf-e-tasallī kis zabāñ meñ hai

yahī andāz haiñ to ġham nahīñ kuchh buad-e-manzil kā

umañgeñ jaag uThī haiñ zindagī sī kārvāñ meñ hai

usī ke raag se gūñjeñge kal rāheñ masarrat kī

ye maanā aaj insāñ manzil-e-āh-o-fuġhāñ meñ hai

koī nisbat nahīñ manzil-rasī ko rah-navardī se

vo lazzat kāmyābī meñ kahāñ jo imtihāñ meñ hai

ye taḳhsīs-e-chaman kyā iltijā-e-bāġhbāñ kaisī

bahut ai himmat-e-parvāz gunjā.ish jahāñ meñ hai

dil-e-na-mutmain andesha-e-barq-e-tapan mein hai

jo be-tabi qafas mein thi wahi ab aashiyan mein hai

meri be-tabi-e-dil ki samajh mein kuchh nahin aata

KHuda jaane tera harf-e-tasalli kis zaban mein hai

yahi andaz hain to gham nahin kuchh buad-e-manzil ka

umangen jag uThi hain zindagi si karwan mein hai

usi ke rag se gunjenge kal rahen masarrat ki

ye mana aaj insan manzil-e-ah-o-fughan mein hai

koi nisbat nahin manzil-rasi ko rah-nawardi se

wo lazzat kaamyabi mein kahan jo imtihan mein hai

ye taKHsis-e-chaman kya iltija-e-baghban kaisi

bahut ai himmat-e-parwaz gunjaish jahan mein hai