dil ek aan us se mulaqat aur hai

dil ek aan us se mulāqāt aur hai

hotī hai sub.h koī ghaḌī raat aur hai

jo dam ki daur-e-jām chale muġhtanim hī jaan

dil koī din ye mausam-e-barsāt aur hai

āshiq huā huuñ maiñ nahīñ taqsīr aur kuchh

gar us pe qatl kījiye to ye baat aur hai

bāġh-e-jahāñ kī sair dilā kar le koī din

qaa.em ye chand roz tilismāt aur hai

hai mujh ko soch dekhiye kyā hove bazm meñ

in añkhḌiyoñ kī vaz.a-e-ishārāt aur hai

siske hai koī taḌpe hai koī dilā na jā

sūrat kuchh us ke kūche meñ haihāt aur hai

do-chār dhauleñ khā ke to mat jaao shaiḳh jī

karnī abhī tumhārī mudārāt aur hai

dil apne jī kī bāteñ na kah us se bazm meñ

ai be-lihāz vaqt-e-hikāyāt aur hai

tabdīl kar ke qāfiya aur ek kah ġhazal

'afsos' go ki kahnī tujhe baat aur hai

dil ek aan us se mulaqat aur hai

hoti hai subh koi ghaDi raat aur hai

jo dam ki daur-e-jam chale mughtanim hi jaan

dil koi din ye mausam-e-barsat aur hai

aashiq hua hun main nahin taqsir aur kuchh

gar us pe qatl kijiye to ye baat aur hai

bagh-e-jahan ki sair dila kar le koi din

qaem ye chand roz tilismat aur hai

hai mujh ko soch dekhiye kya howe bazm mein

in ankhDiyon ki waza-e-ishaaraat aur hai

siske hai koi taDpe hai koi dila na ja

surat kuchh us ke kuche mein haihat aur hai

do-chaar dhaulen kha ke to mat jao shaiKH ji

karni abhi tumhaari mudaraat aur hai

dil apne ji ki baaten na kah us se bazm mein

ai be-lihaz waqt-e-hikayat aur hai

tabdil kar ke qafiya aur ek kah ghazal

'afsos' go ki kahni tujhe baat aur hai