dil gulu-basta-e-bala nikla

dil gulū-basta-e-balā niklā

khol zulfeñ ki dam mirā niklā

tum bhale ġhair bhī bhalā niklā

bandagī banda gar burā niklā

kahīñ be-vaj.h thī pareshānī

zulf se dil kā silsila niklā

dil-o-jāñ-o-jigar qarār-o-shakeb

ek bhī to na kaam kā niklā

rashk-e-dushman to koī baat nahīñ

ḳhair banda hī bevafā niklā

nā-tavānī meñ saḳht-jānī haa.e

zo.af bhī tāqat-āzmā niklā

tere kūche meñ naqsh-e-pā kī tarah

miT gayā maiñ jo koī aa niklā

yaañ kise hai dimāġh-e-nik.hat-e-gul

dam mirā jumbish-e-sabā niklā

āḳhir aa.e mirī ayādat ko

dard-e-dil ḳhuub jāñ-fazā niklā

zaḳhm-e-dil par zarā namak chiḌko

phir bhar aaya to kyā maza niklā

but-parastī koī gunāh nahīñ

maiñ agar banda-e-ḳhudā niklā

mar ga.e ibtidā-e-ishq meñ ham

āsmāñ kā na hausla niklā

kyā karūñ is kā kuchh ilaaj nahīñ

ġhair bhī dard-āshnā niklā

'sho.ala' pahlū meñ kuchh to jhagḌā hai

dil-e-betāb kyoñ ḳhafā niklā

dil gulu-basta-e-bala nikla

khol zulfen ki dam mera nikla

tum bhale ghair bhi bhala nikla

bandagi banda gar bura nikla

kahin be-wajh thi pareshani

zulf se dil ka silsila nikla

dil-o-jaan-o-jigar qarar-o-shakeb

ek bhi to na kaam ka nikla

rashk-e-dushman to koi baat nahin

KHair banda hi bewafa nikla

na-tawani mein saKHt-jaani hae

zoaf bhi taqat-azma nikla

tere kuche mein naqsh-e-pa ki tarah

miT gaya main jo koi aa nikla

yan kise hai dimagh-e-nikhat-e-gul

dam mera jumbish-e-saba nikla

aaKHir aae meri ayaadat ko

dard-e-dil KHub jaan-faza nikla

zaKHm-e-dil par zara namak chiDko

phir bhar aaya to kya maza nikla

but-parasti koi gunah nahin

main agar banda-e-KHuda nikla

mar gae ibtida-e-ishq mein hum

aasman ka na hausla nikla

kya karun is ka kuchh ilaj nahin

ghair bhi dard-ashna nikla

'shoala' pahlu mein kuchh to jhagDa hai

dil-e-betab kyon KHafa nikla