dil hai unki tajalliyat mein gum

dil hai un kī tajalliyāt meñ gum

husn-e-yazdāñ kī kā.enāt meñ gum

donoñ 'ālam haiñ hairatī jis ke

vo haqīqat hai terī zaat meñ gum

mil hī jā.eñge ek duuje ko

donoñ haiñ ek kā.enāt meñ gum

zulf bikhrī hai rū-e-tābāñ par

raat din meñ to din hai raat meñ gum

un kā aanā thā bas sar-e-bālīñ

maut hone lagī hayāt meñ gum

shaiḳh sāhab ke kyā rukū'-o-sujūd

vo to haiñ varta-e-najāt meñ gum

kaise mumkin bhalā judā.ī ho

maiñ huuñ us meñ vo merī zaat meñ gum

chhoḌ kar ik jahān-e-ne'mat ko

'sā’dī' un kī navāzishāt meñ gum

dil hai un ki tajalliyat mein gum

husn-e-yazdan ki kaenat mein gum

donon 'alam hain hairati jis ke

wo haqiqat hai teri zat mein gum

mil hi jaenge ek duje ko

donon hain ek kaenat mein gum

zulf bikhri hai ru-e-taban par

raat din mein to din hai raat mein gum

un ka aana tha bas sar-e-baalin

maut hone lagi hayat mein gum

shaiKH sahab ke kya ruku'-o-sujud

wo to hain warta-e-najat mein gum

kaise mumkin bhala judai ho

main hun us mein wo meri zat mein gum

chhoD kar ek jahan-e-ne'mat ko

'sa’di' un ki nawazishat mein gum