dil ek parinda tha aaKHir qafas mein Dal gaya

dil ik parinda thā āḳhir qafas meñ Daal gayā

junūn-e-shauq use bhī havas meñ Daal gayā

bhigo gayā hai pasīne se sardiyoñ meñ badan

ye kaisā mausam-e-gul thā umas meñ Daal gayā

huā thā ishq laḌakpan meñ jis se vo mujh ko

rah-e-firāq pe solah baras meñ Daal gayā

maiñ māntā huuñ bahut fāsle pe thā lekin

vo shaḳhs ḳhud ko mirī dastaras meñ Daal gayā

baġhal kī seat pe baiThā bhī to nahīñ thā koī

dupaTTa kaun mire muñh pe bus meñ Daal gayā

usī kā vird hai har pal hamārī sāñsoñ meñ

vo apnā naam sadā-e-nafas meñ Daal gayā

vo shaḳhs bazm-e-suḳhan meñ udaas hai 'dilbar'

hamārā sher use pesh-o-pas meñ Daal gayā

dil ek parinda tha aaKHir qafas mein Dal gaya

junun-e-shauq use bhi hawas mein Dal gaya

bhigo gaya hai pasine se sardiyon mein badan

ye kaisa mausam-e-gul tha umas mein Dal gaya

hua tha ishq laDakpan mein jis se wo mujh ko

rah-e-firaq pe solah baras mein Dal gaya

main manta hun bahut fasle pe tha lekin

wo shaKHs KHud ko meri dastaras mein Dal gaya

baghal ki seat pe baiTha bhi to nahin tha koi

dupaTTa kaun mere munh pe bus mein Dal gaya

usi ka wird hai har pal hamari sanson mein

wo apna nam sada-e-nafas mein Dal gaya

wo shaKHs bazm-e-suKHan mein udas hai 'dilbar'

hamara sher use pesh-o-pas mein Dal gaya