dil iKHtiyar mein hai na jaan iKHtiyar mein

dil iḳhtiyār meñ hai na jaañ iḳhtiyār meñ

saaqī ne kyā milā diyā kaif-e-bahār meñ

the chaar din jo zindagī-e-musta.ār meñ

do aarzū meñ kaT ga.e do intizār meñ

saaqī kī ik nazar bhī agar ham pe paḌ ga.ī

tauba kā ḳhuun kar ke raheñge bahār meñ

is but se kar ke zikr-e-vafā haa.e kyā kiyā

ik pech Daal dī dil-e-be-e'tibār meñ

thī kis kī yaad aaj jo taḌpā ga.ī hameñ

ik huuk uTh rahī hai dil-e-be-qarār meñ

āġhosh-e-chashm ko sabad-e-gul banā diyā

ġhunche jo khilkhilā.e hujūm-e-bahār meñ

ye bhī adā-e-nāz thī vo bhī adā-e-nāz

machleñ jo shoḳhiyāñ nigah-e-sharm-sār meñ

rote mujhe jo dekhā to kuchh aur khiñch ga.e

ulTā fusūñ thā girya-e-be-iḳhtiyār meñ

hasrat ke āñsuoñ meñ tamannā kā ḳhuun hai

paanī meñ aag hai ki hai shabnam sharār meñ

parvāna said-e-nūr to bulbul asīr-e-rañg

kis kī adā samā ga.ī gul meñ sharār meñ

dil iKHtiyar mein hai na jaan iKHtiyar mein

saqi ne kya mila diya kaif-e-bahaar mein

the chaar din jo zindagi-e-mustaar mein

do aarzu mein kaT gae do intizar mein

saqi ki ek nazar bhi agar hum pe paD gai

tauba ka KHun kar ke rahenge bahaar mein

is but se kar ke zikr-e-wafa hae kya kiya

ek pech Dal di dil-e-be-e'tibar mein

thi kis ki yaad aaj jo taDpa gai hamein

ek huk uTh rahi hai dil-e-be-qarar mein

aaghosh-e-chashm ko sabad-e-gul bana diya

ghunche jo khilkhilae hujum-e-bahaar mein

ye bhi ada-e-naz thi wo bhi ada-e-naz

machlen jo shoKHiyan nigah-e-sharm-sar mein

rote mujhe jo dekha to kuchh aur khinch gae

ulTa fusun tha girya-e-be-iKHtiyar mein

hasrat ke aansuon mein tamanna ka KHun hai

pani mein aag hai ki hai shabnam sharar mein

parwana said-e-nur to bulbul asir-e-rang

kis ki ada sama gai gul mein sharar mein