dil is hujum-e-shahr mein tanha kahen jise

dil is hujūm-e-shahr meñ tanhā kaheñ jise

aisā nahīñ koī ki shanāsā kaheñ jise

āñkhoñ meñ chubh rahī hai koī mauj mauj reg

vahshat badan meñ phailtā sahrā kaheñ jise

bheje haiñ us ne phuul bahut se gulāb ke

tajdīd-e-dostī kā taqāzā kaheñ jise

pheñkā hai us ne ek tabassum ba-tarz-e-gul

saarī sitamgarī kā izāla kaheñ jise

dekhā hai us ne aaj dam-e-vasl aa.ina

āñkhoñ meñ mehr-tāb jhalaktā kaheñ jise

pūchhā hai us ne aaj saf-e-kushtagāñ kā haal

har harf harf-e-zīst kā muzhda kaheñ jise

dil is hujum-e-shahr mein tanha kahen jise

aisa nahin koi ki shanasa kahen jise

aankhon mein chubh rahi hai koi mauj mauj reg

wahshat badan mein phailta sahra kahen jise

bheje hain us ne phul bahut se gulab ke

tajdid-e-dosti ka taqaza kahen jise

phenka hai us ne ek tabassum ba-tarz-e-gul

sari sitamgari ka izala kahen jise

dekha hai us ne aaj dam-e-wasl aaina

aankhon mein mehr-tab jhalakta kahen jise

puchha hai us ne aaj saf-e-kushtagan ka haal

har harf harf-e-zist ka muzhda kahen jise