dil jaanib-e-yazid tera KHam na ho kahin

dil jānib-e-yazīd tirā ḳham na ho kahīñ

mātam barā.e-rasm hī mātam na ho kahīñ

vo hañs rahā hai merī tarah baat baat par

merī tarah use bhī koī ġham na ho kahīñ

barham ki jitnā gesū-e-ḳhamdār-e-yār hai

utnā mizāj-e-yār bhī barham na ho kahīñ

ahl-e-ḳhirad kī niiñd meñ paḌne lagā ḳhalal

ahl-e-junūñ kā raqs-e-damādam na ho kahīñ

aaj aa.e haiñ vo dekhne zaḳhm-e-jigar mirā

Dartā huuñ un ke haath meñ marham na ho kahīñ

itnā ziyāda ḳhush jo nazar aa rahā huuñ maiñ

ye bhī hasīn ḳhvāb kā 'ālam na ho kahīñ

apnoñ ke darmiyān hai ḳhatra banā huā

phūloñ ke darmiyān koī bam na ho kahīñ

duniyā se kyoñ uchāT huā terā dil 'kamāl'

tū bhī na.e zamāne kā gautam na ho kahīñ

dil jaanib-e-yazid tera KHam na ho kahin

matam barae-rasm hi matam na ho kahin

wo hans raha hai meri tarah baat baat par

meri tarah use bhi koi gham na ho kahin

barham ki jitna gesu-e-KHamdar-e-yar hai

utna mizaj-e-yar bhi barham na ho kahin

ahl-e-KHirad ki nind mein paDne laga KHalal

ahl-e-junun ka raqs-e-damadam na ho kahin

aaj aae hain wo dekhne zaKHm-e-jigar mera

Darta hun un ke hath mein marham na ho kahin

itna ziyaada KHush jo nazar aa raha hun main

ye bhi hasin KHwab ka 'alam na ho kahin

apnon ke darmiyan hai KHatra bana hua

phulon ke darmiyan koi bam na ho kahin

duniya se kyon uchaT hua tera dil 'kamal'

tu bhi nae zamane ka gautam na ho kahin