dil jo ghabraya to uTh kar doston mein aa gaya
dil jo ghabrāyā to uTh kar dostoñ meñ aa gayā
maiñ ki ā.īna thā lekin pattharoñ meñ aa gayā
aaj us ke baal bhī gard-e-safar se aT ga.e
aaj vo ghar se nikal kar rāstoñ meñ aa gayā
paḌh rahā huuñ us kitāb-e-jism kī ik ik varaq
nuur sab āñkhoñ kā khiñch kar uñgliyoñ meñ aa gayā
log kahte haiñ ki apnā shahr hai lekin mujhe
yuuñ gumāñ hotā hai jaise dushmanoñ meñ aa gayā
ham bhare bāzār meñ us vaqt suulī par chaḌhe
shahr saarā TuuT kar jab khiḌkiyoñ meñ aa gayā
shab-zadoñ ne raushnī māñgī to sūraj daf.atan
āsmānoñ se utar kar bastiyoñ meñ aa gayā
jab sameTā maiñ ne apne reza reza jism ko
aur bhī kuchh zor 'sāġhar' āñdhiyoñ meñ aa gayā
dil jo ghabraya to uTh kar doston mein aa gaya
main ki aaina tha lekin pattharon mein aa gaya
aaj us ke baal bhi gard-e-safar se aT gae
aaj wo ghar se nikal kar raston mein aa gaya
paDh raha hun us kitab-e-jism ki ek ek waraq
nur sab aankhon ka khinch kar ungliyon mein aa gaya
log kahte hain ki apna shahr hai lekin mujhe
yun guman hota hai jaise dushmanon mein aa gaya
hum bhare bazar mein us waqt suli par chaDhe
shahr sara TuT kar jab khiDkiyon mein aa gaya
shab-zadon ne raushni mangi to suraj dafatan
aasmanon se utar kar bastiyon mein aa gaya
jab sameTa main ne apne reza reza jism ko
aur bhi kuchh zor 'saghar' aandhiyon mein aa gaya
- Book : siip (Magzin) (Pg. 249)
- Author : Nasiim Durraani
- Publication : Fikr-e-Nau (39 (Quarterly))
- Edition : 39 (Quarterly)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
