dil ka aalam bhi hua hai aalam-e-hu ki tarah

dil kā aalam bhī huā hai ālam-e-hū kī tarah

aañkh meñ tū har ghaḌī rahtā hai aañsū kī tarah

dil ke mausam meñ kabhī tabdīliyāñ aatī nahīñ

lagtī hai bād-e-sabā bhī kankanī lū kī tarah

ik tasavvur se tire mahkā hai merā añg añg

tū mire ehsās meñ bastā hai ḳhushbū kī tarah

saḳht kaalī raat meñ ummīd kā nanhā diyā

hai farozāñ dil meñ ik ma.asūm jugnū kī tarah

vasl kā aalam ki jaise hoñ shafaq kī lāliyāñ

hijr kā māhaul hai qurbat ke jaadū kī tarah

aa ga.ī lafzoñ meñ bhī lahje kī talḳhī is qadar

aap bhī us ne kahā mujh ko magar tū kī tarah

dhuup meñ baiThī thī apne baaġh meñ aur yuuñ lagā

Tahniyāñ do shajar kī haiñ us ke baazū kī tarah

guftugū kā ik alag munfarid andāz hai

lafz us ke bolte haiñ jaise ghuñghrū kī tarah

us ko bhī har vaqt rahtā hai talaffuz kā ḳhayāl

ishq maiñ ne bhī kiyā hai us se urdu kī tarah

dekhte hī dekhte 'ḳhanda' guzar jā.egī umr

vaqt hāthoñ se nikal jā.egā jugnū kī tarah

dil ka aalam bhi hua hai aalam-e-hu ki tarah

aankh mein tu har ghaDi rahta hai aansu ki tarah

dil ke mausam mein kabhi tabdiliyan aati nahin

lagti hai baad-e-saba bhi kankani lu ki tarah

ek tasawwur se tere mahka hai mera ang ang

tu mere ehsas mein basta hai KHushbu ki tarah

saKHt kali raat mein ummid ka nanha diya

hai farozan dil mein ek masum jugnu ki tarah

wasl ka aalam ki jaise hon shafaq ki laliyan

hijr ka mahaul hai qurbat ke jadu ki tarah

aa gai lafzon mein bhi lahje ki talKHi is qadar

aap bhi us ne kaha mujh ko magar tu ki tarah

dhup mein baiThi thi apne bagh mein aur yun laga

Tahniyan do shajar ki hain us ke bazu ki tarah

guftugu ka ek alag munfarid andaz hai

lafz us ke bolte hain jaise ghunghru ki tarah

us ko bhi har waqt rahta hai talaffuz ka KHayal

ishq main ne bhi kiya hai us se urdu ki tarah

dekhte hi dekhte 'KHanda' guzar jaegi umr

waqt hathon se nikal jaega jugnu ki tarah