dil ka TuTa hua arman nahin hona tha

dil kā TuuTā huā armān nahīñ honā thā

ham ko itnā bhī to āsān nahīñ honā thā

jā-e-qismat hai mohabbat kā adhūrā honā

dil to banñā thā mujhe jaan nahīñ honā thā

sunte aa.e haiñ ham aadam kā nikalnā aksar

kū-e-dil kā mujhe mehmān nahīñ honā thā

ḳhushk hijrat ke sune ham ne fasāne kitne

mujh ko hijrat kā bhī sāmān nahīñ honā thā

apne sapnoñ kī ijāzat hai sabhī ko yaaro

gul use honā thā gul-dān nahīñ honā thā

bādaloñ se hameñ ummīd nahīñ bārish kī

aur āñkhoñ se bhī imkān nahīñ honā thā

us kī yādoñ ko kaleje se lagā.e rakhnā

'shāh' ḳhud ko bhī to vīrān nahīñ honā thā

dil ka TuTa hua arman nahin hona tha

hum ko itna bhi to aasan nahin hona tha

ja-e-qismat hai mohabbat ka adhura hona

dil to banna tha mujhe jaan nahin hona tha

sunte aae hain hum aadam ka nikalna aksar

ku-e-dil ka mujhe mehman nahin hona tha

KHushk hijrat ke sune hum ne fasane kitne

mujh ko hijrat ka bhi saman nahin hona tha

apne sapnon ki ijazat hai sabhi ko yaro

gul use hona tha gul-dan nahin hona tha

baadalon se hamein ummid nahin barish ki

aur aankhon se bhi imkan nahin hona tha

us ki yaadon ko kaleje se lagae rakhna

'shah' KHud ko bhi to viran nahin hona tha