dil kar raha hai kyon nigah-e-yar ki talash

dil kar rahā hai kyoñ nigah-e-yār kī talāsh

bīmār ko bhī hotī hai bīmār kī talāsh

ab tiir kī talāsh na talvār kī talāsh

dil ko faqat hai abrū-e-ḳhamdār kī talāsh

jalve ko phir hai madd-e-nazar imtihān-e-hosh

phir tuur ko hai tālib-e-dīdār kī talāsh

tere ḳhayāl tere tasavvur ke sāmne

bīmār-e-ishq ko nahīñ ġham-ḳhvār kī talāsh

chhā.egī hashr meñ jo ghaTā lutf-e-ām kī

rahmat karegī ḳhud hī gunahgār kī talāsh

talvoñ ko mere dasht-navardī kī aarzū

aur ābloñ ko vādī-e-pur-ḳhār kī talāsh

'muztar' kisī kī dil hī meñ karnī thī justujū

dair-o-haram meñ aap ne bekār kī talāsh

dil kar raha hai kyon nigah-e-yar ki talash

bimar ko bhi hoti hai bimar ki talash

ab tir ki talash na talwar ki talash

dil ko faqat hai abru-e-KHamdar ki talash

jalwe ko phir hai madd-e-nazar imtihan-e-hosh

phir tur ko hai talib-e-didar ki talash

tere KHayal tere tasawwur ke samne

bimar-e-ishq ko nahin gham-KHwar ki talash

chhaegi hashr mein jo ghaTa lutf-e-am ki

rahmat karegi KHud hi gunahgar ki talash

talwon ko mere dasht-nawardi ki aarzu

aur aablon ko wadi-e-pur-KHar ki talash

'muztar' kisi ki dil hi mein karni thi justuju

dair-o-haram mein aap ne bekar ki talash