dil ke aate hi ye naqsha ho gaya

dil ke aate hī ye naqsha ho gayā

kyā batā.ūñ dosto kyā ho gayā

tum ne fursat paa.ī ghar baiThe tabīb

mar gayā bīmār achchhā ho gayā

kar chukā thā kaam afsūn-e-raqīb

aaj ham se un se parchhā ho gayā

un pe dil aayā baḌī mushkil paḌī

mudda.ī pahlū meñ paidā ho gayā

haa.e betābī ne merī kyā kiyā

haal sab un par huvaidā ho gayā

ek zālim par tabī.at aa ga.ī

phir vahī ab haal merā ho gayā

shukr hai paidā kiyā ḳhāliq ne jism

ruuh kā kuchh din ko pardā ho gayā

khul ga.e zaḳhmoñ ke muñh achchhā huā

dard ke baḌhne ko rasta ho gayā

tū hī chal ai ruuh josh-e-shauq hai

ḳhat ke aane meñ to arsa ho gayā

vaqt-e-bad kuchh pūchh kar aatā nahīñ

hañste hañste un se jhagḌā ho gayā

haal kyuuñ abtar hai is darja 'nasīm'

sach kaho dil kis pe shaidā ho gayā

dil ke aate hi ye naqsha ho gaya

kya bataun dosto kya ho gaya

tum ne fursat pai ghar baiThe tabib

mar gaya bimar achchha ho gaya

kar chuka tha kaam afsun-e-raqib

aaj hum se un se parchha ho gaya

un pe dil aaya baDi mushkil paDi

muddai pahlu mein paida ho gaya

hae betabi ne meri kya kiya

haal sab un par huwaida ho gaya

ek zalim par tabiat aa gai

phir wahi ab haal mera ho gaya

shukr hai paida kiya KHaliq ne jism

ruh ka kuchh din ko parda ho gaya

khul gae zaKHmon ke munh achchha hua

dard ke baDhne ko rasta ho gaya

tu hi chal ai ruh josh-e-shauq hai

KHat ke aane mein to arsa ho gaya

waqt-e-bad kuchh puchh kar aata nahin

hanste hanste un se jhagDa ho gaya

haal kyun abtar hai is darja 'nasim'

sach kaho dil kis pe shaida ho gaya