dil ke bujhte hue zaKHmon ko hawa deta hai
dil ke bujhte hue zaḳhmoñ ko havā detā hai
roz aatā hai nayā ḳhvāb dikhā detā hai
us kā andāz-e-masīhā.ī nirālā sab se
chāragar hosh meñ aane pe davā detā hai
har qadam ḳhaak meñ kuchh ḳhvāb milāte rahnā
hijr kī raat yahī shaġhl mazā detā hai
marne jiine kā kahāñ hosh tire rindoñ ko
pā-e-vahshat bhī 'ajab naqsh banā detā hai
dastakeñ detā hai paiham dar-e-dil par koī
ek saaya mujhe nīñdoñ se jagā detā hai
phuul sā lahja huā kartā thā jis kā 'zākir'
ab vo bātoñ meñ koī baat banā detā hai
dil ke bujhte hue zaKHmon ko hawa deta hai
roz aata hai naya KHwab dikha deta hai
us ka andaz-e-masihai nirala sab se
chaaragar hosh mein aane pe dawa deta hai
har qadam KHak mein kuchh KHwab milate rahna
hijr ki raat yahi shaghl maza deta hai
marne jine ka kahan hosh tere rindon ko
pa-e-wahshat bhi 'ajab naqsh bana deta hai
dastaken deta hai paiham dar-e-dil par koi
ek saya mujhe nindon se jaga deta hai
phul sa lahja hua karta tha jis ka 'zakir'
ab wo baaton mein koi baat bana deta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
