dil ke daghon mein sitaron ki chamak baqi hai
dil ke dāġhoñ meñ sitāroñ kī chamak baaqī hai
shab-e-furqat abhī do-chār palak baaqī hai
surḳh hoñToñ ke diye zehan meñ raushan haiñ abhī
abhī afkār meñ zulfoñ kī mahak baaqī hai
bāzuoñ meñ tire paikar kī latāfat raqsāñ
uñgliyoñ meñ tirī bāhoñ kī lachak baaqī hai
qasr-e-parvez meñ gum ho ga.ī shīrīñ kī sadā
dāman-e-koh meñ teshe kī dhamak baaqī hai
sarsar-e-jaur ne har-chand ḳhizāñ bikhrā.ī
phuul meñ aag shagūfoñ meñ lahak baaqī hai
gul khilā.egī abhī aur na jaane kyā kyā
ye jo pahlū meñ mahaktī sī kasak baaqī hai
dil ke daghon mein sitaron ki chamak baqi hai
shab-e-furqat abhi do-chaar palak baqi hai
surKH honTon ke diye zehan mein raushan hain abhi
abhi afkar mein zulfon ki mahak baqi hai
bazuon mein tere paikar ki latafat raqsan
ungliyon mein teri bahon ki lachak baqi hai
qasr-e-parwez mein gum ho gai shirin ki sada
daman-e-koh mein teshe ki dhamak baqi hai
sarsar-e-jaur ne har-chand KHizan bikhrai
phul mein aag shagufon mein lahak baqi hai
gul khilaegi abhi aur na jaane kya kya
ye jo pahlu mein mahakti si kasak baqi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
