dil ke ehsas mein bhi jaan to ho sakti hai

dil ke ehsās meñ bhī jaan to ho saktī hai

gar banā.eñ ġhazal insān to ho saktī hai

ye laḌā.ī hai mohabbat kī jo nafrat se yahāñ

ik qalam jang kā sāmān to ho saktī hai

uñgliyāñ merī musalsal jahāñ chaltī jaa.eñ

terī ye zulf vo maidān to ho saktī hai

na ho ābād magar husn baḌhāne ke liye

shahr-e-dil kī galī vīrān to ho saktī hai

auroñ ke naam se bhī sāhib-e-dīvān hoñ par

mere me'yār kī pahchān to ho saktī hai

shahriyat milnī nahīñ pyaar ko us ke dil meñ

kuchh dinoñ ke liye mehmān to ho saktī hai

dard kī mere davā to na banā.ī kisī ne

kuchh madad 'mīr' kā dīvān to ho saktī hai

dil ke ehsas mein bhi jaan to ho sakti hai

gar banaen ghazal insan to ho sakti hai

ye laDai hai mohabbat ki jo nafrat se yahan

ek qalam jang ka saman to ho sakti hai

ungliyan meri musalsal jahan chalti jaen

teri ye zulf wo maidan to ho sakti hai

na ho aabaad magar husn baDhane ke liye

shahr-e-dil ki gali viran to ho sakti hai

auron ke nam se bhi sahib-e-diwan hon par

mere me'yar ki pahchan to ho sakti hai

shahriyat milni nahin pyar ko us ke dil mein

kuchh dinon ke liye mehman to ho sakti hai

dard ki mere dawa to na banai kisi ne

kuchh madad 'mir' ka diwan to ho sakti hai