dil ke qafas mein dard ko pala nahin gaya

dil ke qafas meñ dard ko paalā nahīñ gayā

she'roñ meñ saare zaḳhmoñ ko Dhālā nahīñ gayā

jo dekhte hī tum ko chalā aa.e dauḌ kar

palkoñ se phir vo ashk sañbhālā nahīñ gayā

buntī haiñ raat din jise yādoñ kī makḌiyāñ

maazī kī khiḌkiyoñ se vo jaalā nahīñ gayā

ristā thā ḳhuun zaḳhm se dekhā sabhī ne par

kāñTā kisī se baḌh ke nikālā nahīñ gayā

vaise to dil kabhī na ye dete kisī ko ham

isrār par tumhārā thā Taalā nahīñ gayā

dekhā jo dvaar aa.e sudāmā ke haal ko

phir kirshn ke bhī mukh meñ nivālā nahīñ hai

dil ke qafas mein dard ko pala nahin gaya

she'ron mein sare zaKHmon ko Dhaala nahin gaya

jo dekhte hi tum ko chala aae dauD kar

palkon se phir wo ashk sanbhaala nahin gaya

bunti hain raat din jise yaadon ki makDiyan

mazi ki khiDkiyon se wo jala nahin gaya

rista tha KHun zaKHm se dekha sabhi ne par

kanTa kisi se baDh ke nikala nahin gaya

waise to dil kabhi na ye dete kisi ko hum

israr par tumhaara tha Tala nahin gaya

dekha jo dwar aae sudama ke haal ko

phir kirshn ke bhi mukh mein niwala nahin hai