dil ke sukun ke waste bhaTke kahan kahan
dil ke sukūñ ke vāste bhaTke kahāñ kahāñ
TuuTe hazār martaba bikhre kahāñ kahāñ
āḳhir to bah gayā mirī āñkhoñ se zaar zaar
ashkoñ kā ābshār hai simTe kahāñ kahāñ
jab hādse hī hādse apnā nasīb haiñ
kis kis pe ro.e aañkh ye barse kahāñ kahāñ
ḳhushbū hamārī pā ke vo lauT aa.egā kabhī
barsoñ isī umiid meñ mahke kahāñ kahāñ
aap aarzū kī shakl meñ kitne qarīb haiñ
ham justujū meñ aap kī bhaTke kahāñ kahāñ
qismat hai saath agar to duā bhī hai pur-asar
varna kiye haiñ ham ne bhī sajde kahāñ kahāñ
dil ke sukun ke waste bhaTke kahan kahan
TuTe hazar martaba bikhre kahan kahan
aaKHir to bah gaya meri aankhon se zar zar
ashkon ka aabshaar hai simTe kahan kahan
jab hadse hi hadse apna nasib hain
kis kis pe roe aankh ye barse kahan kahan
KHushbu hamari pa ke wo lauT aaega kabhi
barson isi umid mein mahke kahan kahan
aap aarzu ki shakl mein kitne qarib hain
hum justuju mein aap ki bhaTke kahan kahan
qismat hai sath agar to dua bhi hai pur-asar
warna kiye hain hum ne bhi sajde kahan kahan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
