dil ke virane ko aabaad karun ya na karun

dil ke vīrāne ko ābād karūñ yā na karūñ

jaane vaale tujhe phir yaad karūñ yā na karūñ

haq to ye hai ki mujhe apne hī dil ne luuTā

kuchh tirā shikva-e-bedād karūñ yā na karūñ

aql vaale sabhī ilzām mujhī ko deñge

zaḳhm khā khā ke bhī fariyād karūñ yā na karūñ

sochtā huuñ maiñ agarche ye nahīñ hai mumkin

ḳhud ko har qaid se āzād karūñ yā na karūñ

ho na ho ahl-e-sitam ye bhī uḌā deñ kal ko

ik nayā shahr phir ābād karūñ yā na karūñ

zaat kā ġham bhī tirā ġham bhī jahāñ kā ġham bhī

aur ik ġham ko bhī ījād karūñ yā na karūñ

ek insān huuñ aur us pe masā.ib lākhoñ

mere allāh tujhe yaad karūñ yā na karūñ

dil ke virane ko aabaad karun ya na karun

jaane wale tujhe phir yaad karun ya na karun

haq to ye hai ki mujhe apne hi dil ne luTa

kuchh tera shikwa-e-bedad karun ya na karun

aql wale sabhi ilzam mujhi ko denge

zaKHm kha kha ke bhi fariyaad karun ya na karun

sochta hun main agarche ye nahin hai mumkin

KHud ko har qaid se aazad karun ya na karun

ho na ho ahl-e-sitam ye bhi uDa den kal ko

ek naya shahr phir aabaad karun ya na karun

zat ka gham bhi tera gham bhi jahan ka gham bhi

aur ek gham ko bhi ijad karun ya na karun

ek insan hun aur us pe masaib lakhon

mere allah tujhe yaad karun ya na karun