dil ke zaKHmon ki lawen aur ubhaaro logo
dil ke zaḳhmoñ kī laveñ aur ubhāro logo
aaj kī raat kisī tarah guzāro logo
ruuTh kar zindagī kyā jaane kidhar jaane lagī
is tarah dauḌo zarā us ko pukāro logo
kitnī saj-dhaj hai nigār-e-ġham-o-ālam kī aaj
is kī shoḳhī ko zarā aur nikhāro logo
sarḳhushī ab bhī tamāshā.ī hai maiḳhāne meñ
is sitamgar ko to shīshe meñ utāro logo
shahr-e-dil meñ ye ghaTā-Top añdherā kyuuñ hai
phir kisī chāñd sī sūrat ko pukāro logo
sham-e-ehsās bujhā kar haiñ sar-e-arsh-e-barīñ
is bulandī se hameñ tum na utāro logo
lo 'sho.eb' aa hī gayā qāfila-e-dard ke saath
jān-o-dil tum bhī kahīñ aaj na haaro logo
dil ke zaKHmon ki lawen aur ubhaaro logo
aaj ki raat kisi tarah guzaro logo
ruTh kar zindagi kya jaane kidhar jaane lagi
is tarah dauDo zara us ko pukaro logo
kitni saj-dhaj hai nigar-e-gham-o-alam ki aaj
is ki shoKHi ko zara aur nikhaaro logo
sarKHushi ab bhi tamashai hai maiKHane mein
is sitamgar ko to shishe mein utaro logo
shahr-e-dil mein ye ghaTa-Top andhera kyun hai
phir kisi chand si surat ko pukaro logo
sham-e-ehsas bujha kar hain sar-e-arsh-e-barin
is bulandi se hamein tum na utaro logo
lo 'shoeb' aa hi gaya qafila-e-dard ke sath
jaan-o-dil tum bhi kahin aaj na haaro logo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.