dil KHun hai gham se aur jigar yak-na-shud do-shud

dil ḳhuuñ hai ġham se aur jigar yak-na-shud do-shud

lab ḳhushk haiñ to chashm hai tar yak-na-shud do-shud

rusvā to naala kar ke hue lekin us ne yaar

dil meñ tire kiyā na asar yak-na-shud do-shud

avval to ham ko tāqat-e-parvāz hī na thī

tis par burīda ho ga.e par yak-na-shud do-shud

paayā na ham ne suud mohabbat meñ yaar kī

is par bhī pahuñchtā hai zarar yak-na-shud do-shud

chhiḌkā mire jigar pe namak ġhair se rahā

paivasta misl-e-shīr-o-shakar yak-na-shud do-shud

āvāra juuñ sabā huuñ par ab justujū-e-yār

rakhtī hai mujh ko ḳhāk-basar yak-na-shud do-shud

mushkil thā dekhnā hī tirā tis pe roz-e-vasl

laa.ī na chashm tāb-e-nazar yak-na-shud do-shud

nālāñ ham apne ashk ke hāthoñ the ab 'baqā'

bahne lageñ haiñ laḳht-e-jigar yak-na-shud do-shud

dil KHun hai gham se aur jigar yak-na-shud do-shud

lab KHushk hain to chashm hai tar yak-na-shud do-shud

ruswa to nala kar ke hue lekin us ne yar

dil mein tere kiya na asar yak-na-shud do-shud

awwal to hum ko taqat-e-parwaz hi na thi

tis par burida ho gae par yak-na-shud do-shud

paya na hum ne sud mohabbat mein yar ki

is par bhi pahunchta hai zarar yak-na-shud do-shud

chhiDka mere jigar pe namak ghair se raha

paiwasta misl-e-shir-o-shakar yak-na-shud do-shud

aawara jun saba hun par ab justuju-e-yar

rakhti hai mujh ko KHak-basar yak-na-shud do-shud

mushkil tha dekhna hi tera tis pe roz-e-wasl

lai na chashm tab-e-nazar yak-na-shud do-shud

nalan hum apne ashk ke hathon the ab 'baqa'

bahne lagen hain laKHt-e-jigar yak-na-shud do-shud