dil ki aawaz hai yun bang-e-dara ho jaise

dil kī āvāz hai yuuñ bāñg-e-darā ho jaise

is kī sunte haiñ yahī rāh-numā ho jaise

mast āñkhoñ pe jhukī paḌtī hai yuuñ zulf-e-siyāh

sar-e-mai-ḳhāna dhuāñ-dhār ghaTā ho jaise

ham ko da.avā-e-anal-haq to nahīñ hai lekin

aisā lagtā hai ye ham ne hī kahā ho jaise

jiye jaate haiñ magar jiine kā hāsil kyā hai

zindagī bhī kisī āshiq kī duā ho jaise

vāsta jin ko ḳhudā se hai ḳhudā ko jāneñ

apne but kā to ye aalam hai ḳhudā ho jaise

dīn-o-dil rehn-e-vafā kar ke 'zakā' yuuñ ḳhush haiñ

zindagī meñ yahī ik kaam kiyā ho jaise

dil ki aawaz hai yun bang-e-dara ho jaise

is ki sunte hain yahi rah-numa ho jaise

mast aankhon pe jhuki paDti hai yun zulf-e-siyah

sar-e-mai-KHana dhuan-dhaar ghaTa ho jaise

hum ko dawa-e-anal-haq to nahin hai lekin

aisa lagta hai ye hum ne hi kaha ho jaise

jiye jate hain magar jine ka hasil kya hai

zindagi bhi kisi aashiq ki dua ho jaise

wasta jin ko KHuda se hai KHuda ko jaanen

apne but ka to ye aalam hai KHuda ho jaise

din-o-dil rehn-e-wafa kar ke 'zaka' yun KHush hain

zindagi mein yahi ek kaam kiya ho jaise