dil ki bechainiyon se KHatra hai

dil kī bechainiyoñ se ḳhatra hai

ġham kī parchhā.iyoñ se ḳhatra hai

jal rahe haiñ diye havāoñ meñ

aag ko pāniyoñ se ḳhatra hai

duur kar deñgī ek din tujh se

terī man-māniyoñ se ḳhatra hai

ranj-o-ālām saath rakhtā huuñ

ghar ko vīrāniyoñ se ḳhatra hai

is liye ās-pās huuñ tere

terī tanhā.iyoñ se ḳhatra hai

aarzū justujū tamanna talab

aisī bīmāriyoñ se ḳhatra hai

dil ko muTThī meñ qaid kar rakhiye

is ko āzadiyoñ se ḳhatra hai

dekh kar dil huā hai dīvāna

terī añgḌā.iyoñ se ḳhatra hai

dil lagāne kā sochtā huuñ magar

hashr-sāmāniyoñ se ḳhatra hai

dasht-o-sahrā haiñ ab Thikāna 'fahīm'

mujh ko ābādiyoñ se ḳhatra hai

dil ki bechainiyon se KHatra hai

gham ki parchhaiyon se KHatra hai

jal rahe hain diye hawaon mein

aag ko paniyon se KHatra hai

dur kar dengi ek din tujh se

teri man-maniyon se KHatra hai

ranj-o-alam sath rakhta hun

ghar ko viraniyon se KHatra hai

is liye aas-pas hun tere

teri tanhaiyon se KHatra hai

aarzu justuju tamanna talab

aisi bimariyon se KHatra hai

dil ko muTThi mein qaid kar rakhiye

is ko aazadiyon se KHatra hai

dekh kar dil hua hai diwana

teri angDaiyon se KHatra hai

dil lagane ka sochta hun magar

hashr-samaniyon se KHatra hai

dasht-o-sahra hain ab Thikana 'fahim'

mujh ko aabaadiyon se KHatra hai