dil ki dhaDkan matami dhun sans ko zanjir kahna

dil kī dhaḌkan mātamī dhun saañs ko zanjīr kahnā

koī gar pūchhe to apne ahd kī tafsīr kahnā

har-qadam par bandishoñ pābandiyoñ kā zikr karnā

aur us ko hākimān-e-vaqt kī tahrīr kahnā

kab talak ma.asūm chehroñ ko sitam-pesha likhoge

aañkh ko ḳhanjar batānā zulf ko zanjīr kahnā

vo ghane ashjār vo saa.e to ruḳhsat ho chuke lab

dhuul ko mīrās likhnā ret ko jāgīr kahnā

ḳhāmushī kā gauhar-e-nāyāb rakhnā paas lekin

baat kahne kī agar ho tum bhī 'shāhid-mīr' kahnā

dil ki dhaDkan matami dhun sans ko zanjir kahna

koi gar puchhe to apne ahd ki tafsir kahna

har-qadam par bandishon pabandiyon ka zikr karna

aur us ko hakiman-e-waqt ki tahrir kahna

kab talak masum chehron ko sitam-pesha likhoge

aankh ko KHanjar batana zulf ko zanjir kahna

wo ghane ashjar wo sae to ruKHsat ho chuke lab

dhul ko miras likhna ret ko jagir kahna

KHamushi ka gauhar-e-nayab rakhna pas lekin

baat kahne ki agar ho tum bhi 'shahid-mir' kahna