dil ki imarat jhuTe jazbon par tamir nahin karna
dil kī imārat jhūTe jazboñ par ta.amīr nahīñ karnā
ḳhvāb adhūrā dekho to koī ta.abīr nahīñ karnā
phuul khileñ to havā meñ ḳhushbū ho hī jaatī hai tahlīl
dil kī bāteñ samho par un kī tafsīr nahīñ karnā
maañ kahtī hai ghuTtī jaltī rahnā pī lenā aañsū
sheroñ meñ bhī beTī apnā ġham tahrīr nahīñ karnā
nā sāhab ham se mat māñgo ahd-e-vafā in bātoñ par
jabr-o-sitam sahnā lekin koī tadbīr nahīñ karnā
jabr ke añdhiyāroñ meñ rahnā zulm kā sahnā hai taqsīr
dekho merī jaan 'ayāñ' tum ye taqsīr nahīñ karnā
dil ki imarat jhuTe jazbon par tamir nahin karna
KHwab adhura dekho to koi tabir nahin karna
phul khilen to hawa mein KHushbu ho hi jati hai tahlil
dil ki baaten samho par un ki tafsir nahin karna
man kahti hai ghuTti jalti rahna pi lena aansu
sheron mein bhi beTi apna gham tahrir nahin karna
na sahab hum se mat mango ahd-e-wafa in baaton par
jabr-o-sitam sahna lekin koi tadbir nahin karna
jabr ke andhiyaron mein rahna zulm ka sahna hai taqsir
dekho meri jaan 'ayan' tum ye taqsir nahin karna
- Book : Aiwan (Pg. 42)
- Author : Manazir Ashiq Harganvi & Shahid Nayeem
- Publication : Nirali Duniya (1998)
- Edition : 1998
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
