dil ki mayus tamannaon ko mar jaane do
dil kī māyūs tamannāoñ ko mar jaane do
dard ko āḳhirī manzil se guzar jaane do
maiñ ne kab sāġhar-o-sahbā se kiyā hai inkār
nashsha-e-bāda-e-hastī to utar jaane do
jis kī ai ahl-e-chaman kī hai lahū se ta.amīr
ab vo shīrāza-e-gulshan na bikhar jaane do
chaar tinkoñ kī bhī ta.amīr hai koī ta.amīr
fasl-e-gul aa.egī rakh leñge bikhar jaane do
lazzat-e-ġham se taḌapne meñ maza aatā hai
lazzat-e-ġham se tabī.at mirī bhar jaane do
inqalāb aa.egā koī ki bahār aa.egī
ḳhāl-o-ḳhad chehra-e-gītī ke nikhar jaane do
ham se badle hue tevar haiñ zamāne ke 'safīr'
us ne dekhī hai hamārī bhī nazar jaane do
dil ki mayus tamannaon ko mar jaane do
dard ko aaKHiri manzil se guzar jaane do
main ne kab saghar-o-sahba se kiya hai inkar
nashsha-e-baada-e-hasti to utar jaane do
jis ki ai ahl-e-chaman ki hai lahu se tamir
ab wo shiraaza-e-gulshan na bikhar jaane do
chaar tinkon ki bhi tamir hai koi tamir
fasl-e-gul aaegi rakh lenge bikhar jaane do
lazzat-e-gham se taDapne mein maza aata hai
lazzat-e-gham se tabiat meri bhar jaane do
inqalab aaega koi ki bahaar aaegi
KHal-o-KHad chehra-e-giti ke nikhar jaane do
hum se badle hue tewar hain zamane ke 'safir'
us ne dekhi hai hamari bhi nazar jaane do
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
