dil ki viraniyon mein hamein KHwahishen dekh Toka karen

dil kī vīrāniyoñ meñ hameñ ḳhvāhisheñ dekh Tokā kareñ

ham yatīmoñ ke Dar se Dareñ bin batā.e na jaayā kareñ

jism jhulsā.iye lab-ba-lab bujh na jaa.e kahīñ par talab

ham patange nahīñ jo jaleñ aag haiñ aap maanā kareñ

yuuñ bhī taklīf ghaTtī nahīñ so takalluf zarūrī nahīñ

aap aa.eñ na to sah bhī leñ pūchh kar to na aaya kareñ

ġham ḳhushī yā ġhalat aur sahī chhoḌiye baat dastūr kī

hādsoñ ke liye chhoḌ deñ ḳhud-kushī pe na royā kareñ

raqs to asl hai baa'd meñ yuuñ abhī se na aaheñ bhareñ

jab talak maut tayyār ho zindagī se guzārā kareñ

dil ki viraniyon mein hamein KHwahishen dekh Toka karen

hum yatimon ke Dar se Daren bin batae na jaya karen

jism jhulsaiye lab-ba-lab bujh na jae kahin par talab

hum patange nahin jo jalen aag hain aap mana karen

yun bhi taklif ghaTti nahin so takalluf zaruri nahin

aap aaen na to sah bhi len puchh kar to na aaya karen

gham KHushi ya ghalat aur sahi chhoDiye baat dastur ki

hadson ke liye chhoD den KHud-kushi pe na roya karen

raqs to asl hai ba'd mein yun abhi se na aahen bharen

jab talak maut tayyar ho zindagi se guzara karen