dil kis se muKHatib hai ki viran bahut hai

dil kis se muḳhātib hai ki vīrān bahut hai

shaidā hai ise dasht kā armān bahut hai

guzre to guzar jaa.e na guzre to qayāmat

dil vaqt kī is chaal pe hairān bahut hai

ik umr meñ ḳhud se mirī pahchān huī hai

jaatī huī umroñ ko ye pahchān bahut hai

is shahr meñ rahte haiñ binā ruuh ke paikar

is shahr meñ jī lene kā imkān bahut hai

dil haath se jā.egā ye jaañ bhī na rahegī

kar liije magar ishq meñ nuqsān bahut hai

shab saarī barastā hai ye chup rahtā hai din bhar

kuchh roz se mausam bhī pareshān bahut hai

tū jā nahīñ pā.egī ise chhoḌ ke 'mīrā'

is ghar meñ tire naam kā sāmān bahut hai

dil kis se muKHatib hai ki viran bahut hai

shaida hai ise dasht ka arman bahut hai

guzre to guzar jae na guzre to qayamat

dil waqt ki is chaal pe hairan bahut hai

ek umr mein KHud se meri pahchan hui hai

jati hui umron ko ye pahchan bahut hai

is shahr mein rahte hain bina ruh ke paikar

is shahr mein ji lene ka imkan bahut hai

dil hath se jaega ye jaan bhi na rahegi

kar lije magar ishq mein nuqsan bahut hai

shab sari barasta hai ye chup rahta hai din bhar

kuchh roz se mausam bhi pareshan bahut hai

tu ja nahin paegi ise chhoD ke 'mira'

is ghar mein tere nam ka saman bahut hai