dil ko aaina-war karte rahe

dil ko ā.īna-vār karte rahe

ham ḳhizāñ ko bahār karte rahe

aur karte bhī kyā mohabbat meñ

raat bhar intizār karte rahe

jis se koī ġharaz nahīñ ham ko

us pe ḳhud ko nisār karte rahe

ham to ye soch kar pashemāñ haiñ

kyoñ tirā e.atibār karte rahe

vo rahe mahv-e-ḳhvāb hijr kī shab

ham sitāre shumār karte rahe

sahn-e-gulshan meñ rut meñ phūloñ kī

intizār-e-bahār karte rahe

pyaar kyā hai junūn hai 'nīlam'

ham qabā tār-tār karte rahe

dil ko aaina-war karte rahe

hum KHizan ko bahaar karte rahe

aur karte bhi kya mohabbat mein

raat bhar intizar karte rahe

jis se koi gharaz nahin hum ko

us pe KHud ko nisar karte rahe

hum to ye soch kar pasheman hain

kyon tera eatibar karte rahe

wo rahe mahw-e-KHwab hijr ki shab

hum sitare shumar karte rahe

sahn-e-gulshan mein rut mein phulon ki

intizar-e-bahaar karte rahe

pyar kya hai junun hai 'nilam'

hum qaba tar-tar karte rahe