dil ko duniya-dari ka aasra nahin malum

dil ko duniyā-dārī kā aasrā nahīñ mā'lūm

kis taraf ko jaanā hai rāsta nahīñ mā'lūm

ham ne jān-o-dil de kar 'āshiqī ke raste par

ibtidā to kar dī hai intihā nahīñ mā'lūm

apnī apnī vahdat meñ is junūñ kī hālat meñ

kab talak raheñge ham mubtalā nahīñ mā'lūm

maiñ to chaltā jaatā huuñ jis taraf havā jaa.e

mujh ko apnī hī manzil bā-ḳhudā nahīñ mā'lūm

kis ko kaise choT aa.ī kis kā kaise dil TuuTā

kis ko kaisā pesh aayā hādisa nahīñ mā'lūm

reza reza dil hai par ab talak khaḌā huuñ maiñ

jaane kab bikhar jaa.e hausla nahīñ mā'lūm

ik taraf zamīñ huuñ maiñ ik taraf gagan ho tum

darmiyāñ kahānī kā mājrā nahīñ mā'lūm

aa.ine ke parde par 'aks apnā dikhtā hai

kaun is meñ khiltā hai gul-numā nahīñ mā'lūm

sāhiloñ ne jab chūmī merī ābla-pā.ī

dil ko yuuñ lagā jaise naqsh-e-pā nahīñ mā'lūm

dil ko duniya-dari ka aasra nahin ma'lum

kis taraf ko jaana hai rasta nahin ma'lum

hum ne jaan-o-dil de kar 'ashiqi ke raste par

ibtida to kar di hai intiha nahin ma'lum

apni apni wahdat mein is junun ki haalat mein

kab talak rahenge hum mubtala nahin ma'lum

main to chalta jata hun jis taraf hawa jae

mujh ko apni hi manzil ba-KHuda nahin ma'lum

kis ko kaise choT aai kis ka kaise dil TuTa

kis ko kaisa pesh aaya hadisa nahin ma'lum

reza reza dil hai par ab talak khaDa hun main

jaane kab bikhar jae hausla nahin ma'lum

ek taraf zamin hun main ek taraf gagan ho tum

darmiyan kahani ka majra nahin ma'lum

aaine ke parde par 'aks apna dikhta hai

kaun is mein khilta hai gul-numa nahin ma'lum

sahilon ne jab chumi meri aabla-pai

dil ko yun laga jaise naqsh-e-pa nahin ma'lum