dil ko har gam pe dhaDke se lage rahte hain

dil ko har gaam pe dhaḌke se lage rahte haiñ

tujh ko kho dene ke ḳhadshe se lage rahte haiñ

sar to kaT jaate haiñ jismoñ se magar sadiyoñ tak

ḳhaak par ḳhuun ke dhabbe se lage rahte haiñ

jhaaḌ poñchh ek mire kaam nahīñ aa paa.ī

dar-o-dīvār pe jaale se lage rahte haiñ

pyaas uḌtī hai lab-e-hijr pe mānind-e-ġhubār

vasl kī jhiil pe pahre se lage rahte haiñ

dasht se shahr meñ tanhā.ī ke Dar le aa.e

shahr meñ bhī yahī khaTke se lage rahte haiñ

ḳhvāb jo dekhā nahīñ ham ne sar-e-ḳhvāb 'najīb'

is kī ta.abīr ke dhaḌke se lage rahte haiñ

dil ko har gam pe dhaDke se lage rahte hain

tujh ko kho dene ke KHadshe se lage rahte hain

sar to kaT jate hain jismon se magar sadiyon tak

KHak par KHun ke dhabbe se lage rahte hain

jhaD ponchh ek mere kaam nahin aa pai

dar-o-diwar pe jale se lage rahte hain

pyas uDti hai lab-e-hijr pe manind-e-ghubar

wasl ki jhil pe pahre se lage rahte hain

dasht se shahr mein tanhai ke Dar le aae

shahr mein bhi yahi khaTke se lage rahte hain

KHwab jo dekha nahin hum ne sar-e-KHwab 'najib'

is ki tabir ke dhaDke se lage rahte hain