dil ko har haal mein masruf-e-dua rakkha hai

dil ko har haal meñ masrūf-e-duā rakkhā hai

maiñ ne ye jurm bhī apne pe ravā rakkhā hai

merī har saañs rasūloñ kī zabāñ hai jaise

maiñ ne har saañs meñ ik harf-e-vafā rakkhā hai

aap to garmī-e-hālāt se ghabrāte haiñ

ham ne sūraj ko bhī siine meñ chhupā rakkhā hai

āgahī garm-e-safar hai na.ī manzil kī taraf

chāñd kā zikr hī kyā chāñd meñ kyā rakkhā hai

ham ki hālāt kī tasvīr batāne vaale

ham ko hālāt ne tasvīr banā rakkhā hai

zindagī se kaho ab koī taqāza na kare

maiñ ne har ġham ko kaleje se lagā rakkhā hai

jis jagah qāfila-e-dard rukā thā 'ḳhusrav'

dard-mandoñ ne vahīñ shahr basā rakkhā hai

dil ko har haal mein masruf-e-dua rakkha hai

main ne ye jurm bhi apne pe rawa rakkha hai

meri har sans rasulon ki zaban hai jaise

main ne har sans mein ek harf-e-wafa rakkha hai

aap to garmi-e-haalat se ghabraate hain

hum ne suraj ko bhi sine mein chhupa rakkha hai

aagahi garm-e-safar hai nai manzil ki taraf

chand ka zikr hi kya chand mein kya rakkha hai

hum ki haalat ki taswir batane wale

hum ko haalat ne taswir bana rakkha hai

zindagi se kaho ab koi taqaza na kare

main ne har gham ko kaleje se laga rakkha hai

jis jagah qafila-e-dard ruka tha 'KHusraw'

dard-mandon ne wahin shahr basa rakkha hai