dil ko mayusi ke sae se uThaya jae

dil ko māyūsī ke saa.e se uThāyā jaa.e

toḌ kar ḳhud ko phir ik baar banāyā jaa.e

kal añdheroñ ne jahāñ raushnī ko qatl kiyā

na.e sūraj ko vahīñ jā ke ugāyā jaa.e

raakh nafrat kī havāoñ se jo kahtī hai suno

aag ko aag se hargiz na bujhāyā jaa.e

kaT chuke peḌoñ pe rone se kahīñ behtar hai

kuchh kiyā jaa.e ki paudoñ ko bachāyā jaa.e

mar ga.ī pyaas to barsī haiñ ghaTā.eñ jam kar

jashn-e-barsāt kahāñ jā ke manāyā jaa.e

dil ko mayusi ke sae se uThaya jae

toD kar KHud ko phir ek bar banaya jae

kal andheron ne jahan raushni ko qatl kiya

nae suraj ko wahin ja ke ugaya jae

rakh nafrat ki hawaon se jo kahti hai suno

aag ko aag se hargiz na bujhaya jae

kaT chuke peDon pe rone se kahin behtar hai

kuchh kiya jae ki paudon ko bachaya jae

mar gai pyas to barsi hain ghaTaen jam kar

jashn-e-barsat kahan ja ke manaya jae