dil ko masruf-e-kar rahne do

dil ko masrūf-e-kār rahne do

hijr meñ be-qarār rahne do

hasrat-e-intizār rahne do

yūñhī lail-o-nahār rahne do

un kī yādoñ kā silsila hai abhī

mauj-e-bād-e-bahār rahne do

phuul khilne lage haiñ chāhat ke

mausam-e-ḳhush-gavār rahne do

ḳhvāb hogā kabhī haqīqat bhī

ḳhvāb ko barqarār rahne do

zard mausam bhī biit jā.egā

intizār-e-bahār rahne do

hausla hārne se kyā hāsil

dil ko ummīd-vār rahne do

ḳhūñ-chakāñ aur ḳhat bhī likhne haiñ

uñgliyoñ ko figār rahne do

dil ko masruf-e-kar rahne do

hijr mein be-qarar rahne do

hasrat-e-intizar rahne do

yunhi lail-o-nahaar rahne do

un ki yaadon ka silsila hai abhi

mauj-e-baad-e-bahaar rahne do

phul khilne lage hain chahat ke

mausam-e-KHush-gawar rahne do

KHwab hoga kabhi haqiqat bhi

KHwab ko barqarar rahne do

zard mausam bhi bit jaega

intizar-e-bahaar rahne do

hausla haarne se kya hasil

dil ko ummid-war rahne do

KHun-chakan aur KHat bhi likhne hain

ungliyon ko figar rahne do