dil ko miTne ka nishan rahta hai

dil ko miTne kā nishāñ rahtā hai

aag bujhne pe dhuāñ rahtā hai

haañ salāmat raho rindo tum par

kuchh rifāqat kā gumāñ rahtā hai

sho'le yuuñ uThte haiñ gulzāroñ se

ki bahārāñ kā samāñ rahtā hai

āshiqī muhr-ba-lab rahtī hai

mudda.ī mahv-e-bayāñ rahtā hai

sab ḳhudāoñ kī ḳhudā.ī kā shu.ūr

dil-e-insāñ pe girāñ rahtā hai

tujh pe maḳhfī hai jo mujh par guzrī

tū qarīb-e-rag-e-jāñ rahtā hai

tum kahāñ rahte ho 'ābid' mirī jaañ

dil to rahtā hai jahāñ rahtā hai

dil ko miTne ka nishan rahta hai

aag bujhne pe dhuan rahta hai

han salamat raho rindo tum par

kuchh rifaqat ka guman rahta hai

sho'le yun uThte hain gulzaron se

ki bahaaran ka saman rahta hai

aashiqi muhr-ba-lab rahti hai

muddai mahw-e-bayan rahta hai

sab KHudaon ki KHudai ka shuur

dil-e-insan pe giran rahta hai

tujh pe maKHfi hai jo mujh par guzri

tu qarib-e-rag-e-jaan rahta hai

tum kahan rahte ho 'abid' meri jaan

dil to rahta hai jahan rahta hai