dil ko phir uski mohabbat ka guman hai ki jo tha

dil ko phir us kī mohabbat kā gumāñ hai ki jo thā

phir ġhazal-ḳhvāñ mirā andāz-e-bayāñ hai ki jo thā

zehn meñ jal to uThe ilm-o-taraqqī ke charāġh

dil meñ iḳhlās magar haa.e kahāñ hai ki jo thā

chhuT gayā aql ke hāthoñ se yaqīñ kā dāman

phir vahī silsila-e-vahm-o-gumāñ hai ki jo thā

amn ke da.ave haiñ din-rāt magar kyā kahiye

ab bhī har samt vahī shor-e-fuġhāñ hai ki jo thā

ḳhanda-e-gul kī qasam girya-e-shabnam kī qasam

vahī andāz-e-jahān-e-digrāñ hai ki jo thā

DhūñDhne meñ tujhe taklīf na hogī ai dost

merā ab bhī vahī miTTī kā makāñ hai ki jo thā

apne qadmoñ pe bhī tum dekh lo kuchh hai ki nahīñ

mere māthe pe to ab tak vo nishāñ hai ki jo thā

shauq hai aish hai ai 'rāz' adākārī hai

ab kahāñ ishq vabāl-e-dil-o-jāñ hai ki jo thā

dil ko phir us ki mohabbat ka guman hai ki jo tha

phir ghazal-KHwan mera andaz-e-bayan hai ki jo tha

zehn mein jal to uThe ilm-o-taraqqi ke charagh

dil mein iKHlas magar hae kahan hai ki jo tha

chhuT gaya aql ke hathon se yaqin ka daman

phir wahi silsila-e-wahm-o-guman hai ki jo tha

amn ke dawe hain din-raat magar kya kahiye

ab bhi har samt wahi shor-e-fughan hai ki jo tha

KHanda-e-gul ki qasam girya-e-shabnam ki qasam

wahi andaz-e-jahan-e-digran hai ki jo tha

DhunDhne mein tujhe taklif na hogi ai dost

mera ab bhi wahi miTTi ka makan hai ki jo tha

apne qadmon pe bhi tum dekh lo kuchh hai ki nahin

mere mathe pe to ab tak wo nishan hai ki jo tha

shauq hai aish hai ai 'raaz' adakari hai

ab kahan ishq wabaal-e-dil-o-jaan hai ki jo tha