dil ko piri mein mohabbat ka teri josh aaya

dil ko piirī meñ mohabbat kā tirī josh aaya

be-ḳhudī shab ko rahī vaqt-e-sahar hosh aaya

tere jalve kā nazāra na huā bār-e-digar

be-ḳhudī ke haiñ ye ma.anī ki na phir hosh aaya

zahr-e-gesū ne mujhe maar hī Daalā thā magar

lab-e-jāñ-baḳhsh ke sadqe meñ mujhe hosh aaya

sāqiyā mai-kada-e-dahr meñ vo mai-kash huuñ

marte dam tak mujhe apnā bhī na kuchh hosh aaya

kis liye jām-o-surāhī meñ hai saaqī tāḳhīr

abr-e-pur-shor pa.e-ḳhātir-e-mai-nosh aaya

dil ko phir lāla-ruḳhoñ se huī ulfat paidā

ahd-e-pīrī meñ javānī kā mujhe josh aaya

is qadar shauq-e-shahādat hai mujhe ai qātil

tere kūche meñ jo aaya to kafan-posh aaya

jo dahr dahr se vo bār-e-gunah le ke gayā

go jab aaya thā adam se to subuk-dosh aaya

ḳhil.ateñ zer-e-zamīñ kaun pinhā detā hai

bāġh-e-ālam meñ jo gul aaya qabā-posh aaya

vā.izā kar sar-e-mimbar na mazammat mai kī

kuchh banā.e na banegī jo yahāñ josh aaya

hashr ke din jo gunahgāroñ kī kasrat dekhī

qulzum-e-rahmat-e-bārī meñ ajab josh aaya

jis ne mai-ḳhāna-e-duniyā meñ zarā bhī pī lī

aa ga.ī maut pa 'tālib' na use hosh aaya

dil ko piri mein mohabbat ka teri josh aaya

be-KHudi shab ko rahi waqt-e-sahar hosh aaya

tere jalwe ka nazara na hua bar-e-digar

be-KHudi ke hain ye mani ki na phir hosh aaya

zahr-e-gesu ne mujhe mar hi Dala tha magar

lab-e-jaan-baKHsh ke sadqe mein mujhe hosh aaya

saqiya mai-kada-e-dahr mein wo mai-kash hun

marte dam tak mujhe apna bhi na kuchh hosh aaya

kis liye jam-o-surahi mein hai saqi taKHir

abr-e-pur-shor pae-KHatir-e-mai-nosh aaya

dil ko phir lala-ruKHon se hui ulfat paida

ahd-e-piri mein jawani ka mujhe josh aaya

is qadar shauq-e-shahadat hai mujhe ai qatil

tere kuche mein jo aaya to kafan-posh aaya

jo dahr dahr se wo bar-e-gunah le ke gaya

go jab aaya tha adam se to subuk-dosh aaya

KHilaten zer-e-zamin kaun pinha deta hai

bagh-e-alam mein jo gul aaya qaba-posh aaya

waiza kar sar-e-mimbar na mazammat mai ki

kuchh banae na banegi jo yahan josh aaya

hashr ke din jo gunahgaron ki kasrat dekhi

qulzum-e-rahmat-e-bari mein ajab josh aaya

jis ne mai-KHana-e-duniya mein zara bhi pi li

aa gai maut pa 'talib' na use hosh aaya